Poemas 1981-1991

Poemas 1981-1991 supuxo en 1991, ano da súa primeira edición, a irrupción dunha das voces máis influíntes de toda a literatura galega. Lois Pereiro viña espallando a súa poesía por revistas, recitais ou libros colectivos, e só neste volume xuntou toda a obra precedente. De seguido, os lectores de poesía galega recibiron este poemario con gran entusiamo, esgotándose a edición de contado. O interese dos lectores, dos estudiosos, e mesmo dos poetas novos galegos, non decaeu nunca. A súa poesía segue sendo actual, contemporánea, moderna, eterna, coma a de todos os clásicos.