Revoeira

Os grandes escritores e intelectuais que forxaron neste século a cultura galega aparecen retratados por Núñez Búa neste “libriño de anécdotas” cunha precisión e sinxeleza, cun humor e un sarcasmo, propios dun caricaturista máis cómico ca dramático. Achégasenos un remuíño de contos ambientados na Galicia da emigración como as primeiras experiencias do Castelao médico, o histrionismo de Laxeiro e as vivencias de Otero Pedrayo, de Díaz Pardo ou de Seoane. Prólogo de Eduardo Blanco Amor para a edición de 1970.